İdman

2014–2017-ci illər ərzində Azərbaycanda keçirilən beynəlxalq və yerli idman yarışlarında fotojurnalist kimi fəaliyyət göstərmişəm. Bu dövrdə müxtəlif idman növlərinin ən həlledici anlarını sənədləşdirərək həm yarış atmosferini, həm də idmançıların emosiyalarını arxivləşdirmişəm.

Bu bölmədə 2015-ci il Bakı Avropa Oyunları, 2017-ci il Bakı İslam Həmrəyliyi Oyunları, Formula 1 Azərbaycan Qran Prisi və müxtəlif futbol qarşılaşmalarından seçilmiş fotolar təqdim olunur. Eyni zamanda qaçış, voleybol, tennis, stolüstü tennis, boks, güləş və digər idman növləri üzrə çəkilmiş kadrlar da bu arxivin bir hissəsidir.

Burada yer alan fotolar yarışların rəsmi nəticələrindən daha çox, idmanın sürətini, gərginliyini, mübarizə ruhunu və insan emosiyalarını əks etdirən sənədli görüntülərdir. Hər kadr konkret bir anın vizual yaddaşı kimi təqdim olunur.