ELŞƏN BABA
rəssam, fotoqraf
12 illik peşəkar təcrübə ilə həm yerli, həm də beynəlxalq şirkət və təşkilatlarla geniş əməkdaşlıq portfoliom mövcuddur. Korporativ tədbirlər, sərgilər, forumlar, təqdimatlar və biznes görüşləri daxil olmaqla müxtəlif formatlı layihələrin vizual sənədləşdirilməsini həyata keçirirəm.
Rəssam olmağım fotoqrafiyadakı yaradıcılığımı gücləndirir və mənə daha fərqli baxış bucaqları, rəng harmoniyası, kompozisiya həssaslığı qazandırır. Foto və rəsm əsərlərim fərdi sərgi, həmçinin, bir neçə qrup sərgilərində nümayiş etdirilib.
Kommersiya yönümlü işlərdə əsas məqsədim brendin xarakterini, tədbirin mahiyyətini və anın emosiyasını yüksək vizual keyfiyyətlə bir araya gətirməkdir. Layihələrdə estetik, peşəkar, həm də funksional vizual nəticə təqdim etmək mənim üçün önəmlidir.
Siz soruşmadan, mən deyim.
Çəkilişlə bağlı ən çox verilən suallar.
Çəkiliş saatı artdıqca qiymət hansı formada dəyişir?
Çəkiliş saatı artdıqca hər növbəti saata görə qiymət əvvəlki saatın qiymətindən daha az olur. Yəni ümumi qiymət artsa da, saat başına düşən məbləğ azalır.
Fotolar neçə günə təhvil verilir?
Müştərinin “retouch” (retuş) tələbi yoxdursa, yarım və tam günlük fotoçəkilişlərin fotoları adətən 2–3 gün, 1–2 saatlıq çəkilişlərin fotoları isə 1 gün ərzində təhvil verilir.
Çəkiliş üçün avadanlıq və işıqlandırma siz tərəfdən gətirilirmi?
Bəli. Hər çəkiliş üçün lazım olan foto avadanlıqlar, obyektivlər və portativ işıqlandırma sistemləri tərəfimdən təmin olunur.
Fotolar sosial şəbəkələrdə paylaşılırmı?
Paylaşım yalnız müştərinin icazəsi ilə edilir.
Sayyart Studio
Sayyart Studio səyyar fotostudiyadır. Fərdi və ya şirkətinizin əməkdaşlarının biznes
portretlərini istədiyiniz ünvanda çəkirik.
Fotoçəkiliş üçün studiaya gedərək yolda zaman və enerji itirməyin, çünki biz sizə gəlirik.
Azad Qəhrəmanov
(SAT Group)
Elşən ilə 4 il ərzində həm forumlarımız, həm digər korporativ tədbirlərimizdə, eləcə də, bir çox marketinq fəaliyyətlərimizlə bağlı baş tutmuş əməkdaşlıqdan məmnun olduğumuzu bildirmək istərdim. İstər çəkilişlərin keyfiyyət və yaradıcı məzmunu, istərsə də onunla olan kommunikasiya və əməkdaşlıqdan zövq almışıq.
Dilara Umudova
(UNDP Azerbaijan)
Müxtəlif regionlarda layihələrimizi həyata keçirən zaman, konteksti başa düşən, hekayələrimizin qəhrəman, iştirakçılarına həssaslıqla yanaşa biləcək fotoqrafla işləmək çox önəmli idi. Elşən bunun öhtəsindən peşəkarlıqla gəldi. Ona geniş spektrda işlər əmanət edib referans olduğum zaman müsbət geridönüşlər alaraq, seçimimdə və məsləhətlərimdə yanılmadığıma əmin olmuşam.
Orxan Rzayev
(ADB Azərbaycan)
ADB-nin (Asiya İnkişaf Bankı) bir çox önəmli tədbir və layihələrində Elşən ilə birgə işləmək bizim üçün çox xoş olub. O, hər çəkilişdə ən xırda detallara belə diqqət edir və gözəl estetik zövqə malikdir. Həmçinin, punktual və etibarlı tərəfdaş, dostdur.
